قصة مؤثرة جداً مش هتقدر تمنع نفسك من البكاء // حوار بين صديقين

حوار بين صديقين هما مريم ومينا

قصة مؤثرة جداً مش هتقدر تمنع نفسك من البكاء لو قلبك ضعيف

بلاش تقراها بس بجد لو قريتها هتستفاد منها كتير

مينا : أعتقد أننا آخر إتنين غير مرتبطين في هذا العالم

مريم : اه .. كل صحباتى مرتبطين وإحنا آخر إتنين مش 

مرتبطين وكل واحد فينا عايش من غير حبيب

مينا : اه .. مش عارف أعمل إيه

مريم ا : أنا عارفة ..... تعالى نلعب لعبه

مينا : لعبة إيه!!؟؟

مريم: تعالى نرتبط لمدة 30 يوم , 

أبقي حبيبتك فيهم وتبقي حبيبى فيهم لحد ما ال30 يوم يخلصوا

مينا : مممم , فكرة حلوة وانا كده كده فاضى طول الفتره اللى جايه ..

اليوم 1

دخلوا السينما لأول مرة مع بعض ومسكوا إيدين بعض

وهما بيتفرجوا عالفيلم الرومانسى

اليوم 4

راحوا شاطىء البحر وإتفسحوا .. 

مينا ومريم عاشوا وقت مميز في اليوم ده

اليوم 12

مينا عزم مريم على السيرك وعلي بيت الرعب ,

مريم كانت خايفه أوى وحاولت تمسك إيد مينا بس غلطت 

ومسكت إيد واحد تاني وفضلت تضحك هي ومينا عالموقف ده

اليوم 14

راحوا للعراف وسألوه عن حظهم , العراف قال لهم :

حبايبى .. متضيعوش لحظة من حياتكم وعيشوا حياتكم في

سعادة مع بعض .. بعديها عين العراف دمعت وقاللهم إمشوا

اليوم 20

مريم عزمت مينا عشان يروحوا الهرم وإتفرجوا هناك على

الخيل وهو بيجرى .. مريم همست ساعتها بكلام مينا مسمعهوش

اليوم 28

ركبوا باص وبسبب الطريق المتعرج الباص عمل حادثه 

وكانت أول مره مريم تبوس مينا عشان إتجرح

اليوم 29

الساعه 11:27 p.m

فاضل 33 دقيقه وال30 يوم يخلصوا

مينا ومريم قاعدين فى نفس المكان إللى كانوا قاعدين فيه

من 30 يوم ساعة ما إتفقوا يلعبوا اللعبه دى

مريم : انا عطشان يامريم, تحبى تشربى حاجة؟

مريم : شكرا .. ياريت بيبسى

مينا : حاضر ... إستنينى مش حتأخر

20 دقيقة عدت لحد ما مريم لقت واحد غريب بيكلمها

الغريب : إنتى صاحبة مينا؟

مريم: اه , ليه فيه إيه ؟؟؟

الغريب : سواق عربية خبطه وهو في المستشفى حالته وحشه أوى

الساعه 11:57 p.m

الدكتور خرج من غرفة الطوارىء وكان فى إيده إزازة بيبسى وجواب لمريم..

الدكتور : إحنا لقينا الحاجات دى مع مينا

مريم قرأت الجواب وكان بيقول :

مريم.. الجواب ده انا كتبته من كام يوم، انا لقيتك إنسانه

رقيقه وحلوه أوى، ولقيت نفسى بحبك بجد من غير ما أحس،

إبتسامتك اللى حبتها عمرى ما حنساها، وكل حاجه حصلت

بيننا فى لعبة ال30 يوم خليتنى أحبك أوى .. وقبل ما ال30 يوم 

يخلصوا أتمنى إنك تكونى حبيبتى بجد لآخر يوم فى عمرى .. 

بحبك يامريم..

.

.

مريم كرمشت الجواب ودخلت غرفة الطوارىء وصرخت فى مينا 

وعنيها كلها دموع :مينا.. مش عايزاك تموت .. 

انا بحبك، فاكر يوم ما رحنا الأهرامات؟

ساعتها انا همست بكلام إنت مسمعتهوش .. 

انا كنت بتمنى ساعتها إننا نفضل مع بعض للأبد 

ونفضل مستمرين فى اللعبه لآخر يوم فى حياتنا ... 

أرجوك متسبنيش يامينا، حرام عليك متعملش فيا كده.

ساعتها الساعه دقت 12:00 P.m

وقلب مينا بطل يدق ... وكانوا 30 يوم زى ما إتفقوا بالظبط .

احبائى نصيحة

----------------

أعطى كل المشاعر لمن تحب، إجعله يشعر أنه أغلى من الدنيا، 

لأنه عندما يرحل ستحزن عليه أشد الحزن،

وسيكون وقت المشاعر قد فات أوانه ..

إذا كنت أغضبته إذهب إليه وأرضيه حتى لو كان رضاه على 

حساب سعادتك.. فلو كان لا يحبك ما كان غضب أو إنجرح منك ..

إحتويه داخلك وضمه إليك وحافظ عليه قبل أن يصبح ذكرى

"قصة مؤثرة جداً يا ريت نتعلم منها ازاى يكون الحب الحقيقى 

واحترام المشاعر قبل ما يفوت الوقت ونرجع نندم اشد الندم 

لان الحياة بدون حب ملهاش طعم

.

.

.

.

واخيراً

لو عجبك الموضوع وعايز غيرك يقراه

متنساش تعمل لايك وشير

ولو عندك مشاركة تحب تشاركنا بيها ابعتهالنا