اذا كنت مسيحي

اذا كنت مسيحي

نسبحك..نباركك..نخدمك يارب ونسجد لك

كلمات مش غريبه لاننا نرددها معا بالقداس الالهى..

لكن النهارده هنقف عنده نتامل فيها

كنيستنا بتعلمنا السجود والخدمه متلازمان الاتنين

 هامين وتعتبر كلمه عبد وخادم فى الكتاب المقدس مترادفتان وبالمثل كلمتا عباده وخدمه

اذا كنت مسيحيا فاانت خادم وعندما تعبد فانك تخدم

نقرا فى صلاه الغروب:-

لما شفى السيد المسيح حماه بطرس فانها على الفور"قامت وخدمتهم"ده اللى علينا نعمله

الهنا بيشفى امراض نفوسنا واجسادنا علشان نساعد

 اللى حوالينا مش علشان نقعد ونستنى السما..

دورنا نكون نور للعالم وملح الارض

تعالو نقف شويه عند الكلمتين دول

العباده(نسجد لك) و الخدمه(نخدمك)

العباده والسجود الحقيقى يعنى ايه؟

يعنى ان سيدنا المسيح بقوله

"تاتى ساعه وهى الان حين الساجدون الحقيقيون يسجدون للاب بالروح والحق لان الاب طالب مثل هؤلاء الساجدين له"(يو23:4)؟؟

اولا:-عبادتى الحقيقه وصلواتى الحقيقه فى الخفاء امام الله ودى وصيه مسيحنا"ينبغى ان نصلى فى الخفاء"

"ابيكم الذى فى الخفاء يجازيكم علانيه"مت6:6

ليه..ليه مهم اوى كده(فى الخفاء)؟!

لان الحب الحقيقى بين اى اتنين يظهر لما يكونو منفردين

 بعيدين عن الزحمه والناس..الحبيب يفضل ينفرد بحبيبته

 ويكلمها بالسعات عن مشاعره وافكاره ناحيتها

انا كمان مفروض اقيس حبى لربنا اد ايه لما اشوف انا بحب

 انفرد بيه قد ايه واقضى وقت واتكلم معاه عن مشاعرى

 وعن افكارى ناحيته واسمع كمان منه

ايه مشاعرى ناحيته

لو انا لسه حبى لربنا وسط الزحمه وسط الشعب فى الكنيسه فقط..اردد زيهم واعمل زيهم كفايه انا صليت فى الكنيسه

 وياريت صليت وانا بحبه وغالى عليا لا انا بعمل زى اللى

حواليا حتى لا اتعرض لملامه من اصحابى او اب اعترافى..

او وسط اصحابى فى المؤتمر يعنى علشان نشجع بعض..

لو انا لسه حبى لربنا وسط الزحمه فقط انا محتاج لمستوى

 حب جديد اكبر..مستوى فيه احب الهى الحب اللى يستحقه

يمكن انا ودانى خدت على سماع انه فدانى ودفع حياته بدالى وانه بيدينى جسده ودمه على المذبح مجانا حسب كثره نعمته..

وانه مازال واقف على بابى يقرع منتظرنى افتح له..

لكن انا مشاعرى مش بتتحرك ناحيته ولا بشتاق اكلمه..

مش متعه بالنسبه لى انى اقعد معاه بمفردى واتكلم معاه مش بينطبق عليا كلمات المرنم"ياطيب ساعه بها اخلو مع الحبيب

 يجرى حديثى معه سرا ولا رقيب"انا محتاج حب ربنا ينسكب

 جوا قلبى "لان محبه الله قد انسكبت فى قلوبنا بالروح القدس المعطى لنا"(رو5:5)

لما يتملى قلبى بالحب ده هلاقى نفسى احب اقدم

 لحبيبى من وقتى واسجد قدامه(مطانيه)واشكره على

 كل حاجه قدمها وبيقدمها لى

ولانه جعلنى فى كرمه فى وسط كنيستى جعلنى من

 عيلته وقتها هتمنى اقدم ليه اى خدمه ولو اتعلمت اقدم

عباده حقيقه هعرف ازاى اخدم صح

الخدمه الحقيقيه يعنى ايه؟

هدفها انى بحب الهى واحب اقدمله اللى يفرح قلبه

 لو الخدمه اتحولت لخدمتى انا مش خدمه الهى اللى

 بحبه ده خطر عليا لان معلمنا بولس الرسول حزرنا"وان

 اطعمت كل اموالى وان اسلمت جسدى حتى احترق

ولكن ليس لى محبه فلا انتفع شيئل"1كو3-13

كل مجودى وخدمتى ولا حاجه من غير حبى ليه واخد منه

 حب واحب اللى حواليا واسترهم زيه واقدمهم عنى فى

الكرامه زيه حتى لو لاقيت تقدير فى العالم الحاضر هتكون

 مفاجاه غير ساره فى الابديه لان مستوى اعمالنا كما قال

 سيدنا البابا شنوده هتقاس مش بحجم الاعمال اللى

 عملناها ولكن بحجم المحبه ده قد ايه؟!

فى بعض الكنائس بالصين بيرحبو بالمنضمين الى

 الكنيسه الجدد يقولو لهم ان يسوع لديه عينان جديدتان

ليرى بهما واذنان جديدتان ليستمع بهما ويدان جديدتان

 ليساعد بهما وقلب جديد ليحب الاخرين..الاتحب ان تكون

عين جديده لمسيحك الذى احبك.او يد..

او قلب مفتوح ليحب الاخرين ويقدم 

المساعده والاهتمام لمن يحتاج

نعم ..نحبك..نسبحك..نباركك..نخدمك يارب ونسجد لك

اذكروني في صلواتكم