صدق ولابد ان تصدق

صدق ولابد ان تصدق
الحكايه الاولي

تم الحكم علي كاهن مشهور بالحبس لمدة شهر ولما دخل السجن واخوتنا اياهم شافوة كده بدقن وجلبيه افتكروة واحد منهم وكانوا كل يوم يعطوة فرخه مشويه كان ابونا يتغدي بنصها ويتعشي بالباقي وفي اخر يوم لما ابونا لبس ملابس الكهنوت وهو خارج بيقولهم سلامه عليكوا فاندهشوا جدا وقالوله ايه ده هو انت ..........
حقيقي ( اذا ارضت الرب طرق انسان جعل اعداءه ايضا يسالمونه (ام 16 : 7)

الحكايه التانيه
ركب ابونا القطار ونسي يقطع تذكرة وكمان نسي المحفظة في البيت المهم ابونا شاف الكمسري قادم ناحيته فبدا يحدث الهه وقال له ايه هتسبني وانا شغال عندك اتعامل كاني مزوغ من ثمن التذكرة هتسمحلي بالبهدله وانا بخدمك واخذ ابونا يكلم الله في قلبه وفجاة تقدم احد الركاب واتعرف علي ابونا وعرف انه كاهن لكنيسة الملاك فاخرج مئة جنيها من جيبه وقال لابونا دي كانت ندر عليا للملاك ونسيت اوديها ممكن قدسك تاخدها وتعطيها للملاك فاخذها ابونا ودفع منها التذكرة واتبقي منها كمان

الحكاية التاليه
في بلاد الارياف جلس ابونا ينتظر اي حد يمر عليه لياخذ بعض الغلال ليطحنها وتقوم زوجته بخبزها لياكلوا منها كام يوم المهم مر شخص غلبان ومسكين وقال لابونا انا معنديش اكل ولا شرب وليس معي اي نقود وولادي في البيت هيموتوا من الجوع فنظر اليه ابونا واعطاه شوال الدقيق والفلوس اللي كانت في جيبه ثمن طحنها وقال للرجل خد الفلوس دي واطحن بيها الدقيق ده واكل ولادك
فجاءت زوجة ابونا وقالتله ايه يا ابونا حد خد الدقيق ليطحنه عاوزة الحق اخبزة قبل ميعاد الغدا فقال لها ابونا ربنا جيه واخد الدقيق وكمان فلوس طحنها فنظرت اليه بغضب ولم تتكلم
ولحظات مر شخص امام ابونا وقال له انا معايا عشرة اجوله دقيق وعشرة جنيه كانت ندر عليا ياريت يا ابونا تاخدها فنظر ابونا لزوجته وقال لها شوفتي الشوال رجع عشرة والجنيه رجع عشرة اضعاف

الحكايه التاليه
اخطا احد الاباء الكهنه من ايبارشية الجيزة التابعه لنيافة الانبا دوماديوس نيح الله نفسه فدخل احد الكهنه ووجد سيدنا يبكي فساله لماذا تبكي فقال له سيدنا لان ابونا فلان اخطا فقال له الكاهن طيب وفيها ايه ما تعاقبه فقال له سيدنا طيب لو وقفته عن الخدمه ومت مين هيرجعه تاني هيقولوله اللي اوقفك هو اللي هيرجعك المهم كام يوم وجاء قرار من الكاتدرائيه بحرمان الكاهن وشلحه من الكهنوت دون اي تدخل من سيدنا نيح الله نفسه

الحكايه التاليه
تم اختيار ابونا يؤانس للخدمه في احدي كنائس احدي المحافظات وبمرتب كويس اوي بس المطران او اسقف تلك الايبارشيه لقي المرتب كبير اوي فقرر اختيار كاهن من الايبارشية بمرتب اقل المهم ابونا يؤانس لما عرف قرار استبعاده اخذ يعاتب ربنا بشده ومرت الايام ومرت الشهور وسمع ابونا ان العمارة اللي فيها الشقه اللي كان هيسكن فيها لو خدم في تلك المحافظة وقعت ومات ابونا الكاهن فيها فمجد ابونا يؤانس الله جدا وانه انقذه من الموت حقا ( و نحن نعلم ان كل الاشياء تعمل معا للخير للذين يحبون الله الذين هم مدعوون حسب قصده (رو 8 : 28)

الحكاية التاليه
ابونا راكب الاتوبيس ومكنش فيه مكان يجلس عليه فوقف بجوار احد الكراسي وفي يده الصليب فلما لقي الجالس علي الكرسي الصليب فوق راسه قام مسرعا فجلس ابونا وشكر هذا الشخص ورد عليه الشخص هو انت فاكر اني قمت لك احتراما ليك لا انا قمت علشان البتاع ده اللي انت كنت حاطه فوق دماغي فشكر ابونا الله وحقا (فان كلمة الصليب عند الهالكين جهالة و اما عندنا نحن المخلصين فهي قوة الله (1كو 1 : 18)

الحكايه التاليه
ركب ابونا القطار بعد زيارته لاحدي القري فاعطته احدي السيدات قفه ومتغطيه فسالها ايه ده فقالت له دي حاجه بسيطه تتغدي بيها علشان السكه طويله المهم وابونا جالس سمع بعض الاطفال يبكون وبيقولوا انهم جعانين فردت امهم وقالت لهم دلوقتي ربنا يبعت ليكم طعامكم فتحنن ابونا وقال لما عطيهم مما في القفه فاذ بالمفاجاه القفه فيها خمسة حمامات محشيه المفاجاه ان ابونا لا ياكل الحمام والمفاجاه الاكبر انه وجد عدد الاطفال 4 وامهم يبقي خمسه يعني صدق الكتاب اللي قال ( لذلك اقول لكم لا تهتموا لحياتكم بما تاكلون و بما تشربون و لا لاجسادكم بما تلبسون اليست الحياة افضل من الطعام و الجسد افضل من اللباس (مت 6 : 25)

الحكاية التاليه
ابونا راكب حمار في احدي القري وطلع عليه حراميه وانزلوا ابونا ليترك لهم الحمار فقال ابونا للحمار متتحركش من هنا وذهب ابونا بعيد وحاول اللصوص بكل الطرق تحريك الحمار دون جدوي واخيرا تركوة وهربوا فاشار ابونا للحمار من بعيد فجري اليه مسرعا

الحكاية التاليه
طلب احد اخوة الرب من ابونا حجرة نوم لزواج ابنته فاتفق ابونا مع احد النجارين وتبقت الدفعه الاخيرة ليستلم الحجرة وكانت 300 جنيه ولم يكن مع ابونا هذا المبلغ وعندما حان موعد الاستلام قرر ابونا الذهاب للبيت بدل من الذهاب للنجار وفي الطريق توقف عند سوبر ماركت لتشتري زوجته بعض الاغراض لمنزلها ودخلت الزوجه السوبر ماركت وبينما ابونا جالس في السيارة تقدم احد الاشخاص واعطاه ظرفا وقال له ربنا باعتلك ده وانصرف وبينما ابونا بيفتحه وجد مالا يخطر علي بال الظرف فيه 300جنيه فلما عادت زوجته ومشي بالسيارة وجدته لا يسير ناحية المنزل فقال له احنا رايحين فين فقال لها للنجارنستلم غرفة النوم فقالت له وهتعطيه الباقي منين فرد وقال لها الرب ارسل المبلغ وبالفعل اعطي للنجار اخر دفعه وقال النجار لابونا عاوزين ثمن النقل فقال له ابونا احنا ما اتفقناش عليها لو كنا اتفقنا عليها كان ربنا ارسلها مع المبلغ فابتسم النجار واستلم ابونا الحجرة وسلمها لاصحابها

الحكايه التاليه
دخل ابونا محل دهب وبدل بعض النقود ب20 جنيه دهب المهم دخل حرامي للصائغ بعد مغادرة ابونا وعرف ان ابونا معاه 20 ج دهب فمشي وراة وركب مع ابونا المركب وفي وسط البحر صرخ الحرامي الحقوني انا اتسرقت كان معايا 20 ج دهب وملفوفه في منديل احمر وهنا شعر ابونا بالخجل والخوف لانهم لو فتشوة هلاقوا معاه دهب في منديل احمر وهيصدقوا الحرامي ومش ممكن يصدقوا ابونا طيب يعمل ايه نظر للسماء وقال يارب خد المنديل ده خليه معاك وبدون ان يشعر احد القي بالمنديل في البحر ولما رجع سالته زوجته هل اشتريت جنيهات دهب فقال لها اشتريت 20 ج دهب بس وقعوا مني في البحر وتاني يوم اصطاد احد الاشخاص سمكه كبيرة وقرر ان يهديها لابونا واثناء فتح زوجته للسمكه وجدت منديل احمر فصرخت الحق يا ابونا فلما راي قال لها ده ربنا رجعلي الجنيهات الدهب اصلي شيلتها معاه امبارح لما خفت لتتسرق مني

الحكاية التاليه
اثناء قيام ابونا بعماد احد الاطفال وجد ملاكا واقفا فقال له عاوز ايه فقال انا جي اخد روح الطفل فانتهرة ابونا وامرة بالوقوف مكانه وعدم الحركه المهم بعد شهر دخل ابونا ليعمد طفل اخر فوجد الملاك فقال له انت لسه واقف ليه فرد الملاك مش انت قلتي قف مكانك ومتتحركش فاذن له بالخروج ودقائق علم ابونا ان الطفل الذي عمده الشهر الماضي قد توفي اليوم حقا ان لسر الكهنوت سلطانا حتي علي الملائكه

الحكاية التالية
ذهب ابونا ليعظ في نهضة العذراء باحدي قري الصعيد وكانت الكنيسه ممتلئه عن اخرها وفي اليوم التالي وجد ابونا عدد الحاضرين لا يتعدي اصابع اليد الواحده ولما سال عن السبب علم ان عربية الانابيب بتيجي مرة كل شهرين للقريه ولهذا السبب مفيش حد حضر اليوم ليقفوا في الطابور ويلحقوا الانابيب فوقف وشكر الحاضرين انهم فضلوا الاستماع لكلمة الله عن الانابيب فلما علم الحاضرين ذلك بداوا ينصرفوا ليلحقوا بالطابور لانهم مكانوش يعرفوا ذلك شوفتم ازاي ابليس لا يقل لك لا تذهب للكنيسه ولكنه يضع امامكم كل الوسائل والمشغوليات والهموم والاتعاب لذلك

الحكاية الاخيرة
ندر احدهم انه لو شفي ابنه سيعطي جاموسة او ثمنها لله وبعد شفاءة استكتر ثمن الجاموسة طيب يعمل ايه يعمل ايه فكر في حيلة شيطانية اخذ الجاموسه وديك لبيعهما بالسوق وقال اللي يشتري الديك بعشرة الاف جنيه ياخد عليها الجاموسه هديه واللي يشتري الجاموسة بعشرة جنيه ياخد الديك ويدفع عشرة الاف جنيه وبكده يبقي باع الجاموسه بعشرة جنيه فقط والديك بعشرة الاف ويبقي ثمن الجاموسه عشرة جنيه فقط وهي قيمة الندر اللي عليه