اســــــــــــــــوار اريــــــــــحا

اســــــــــــــــوار اريــــــــــحا

تعب كتير شعب بنى اسرائيل فى البرية على امل ان

 يشوف ارض الموعد الارض التى تفيض لبنا وعسلا

اربعين سنة ماشيين وتايهين فى برية صعبة

واخيرا وبعد وصولهم لارض الموعد كانت صدمة كبيرة عليهم

الارض تسكنها الجبابرة (العماليق )

ويحوط على المدينة سور كبير جدا لا يستطيعوا هدمه ابدا

هذا السور كان عااالى جدا وعريض جدا

قرات مرة ف تفسير بيقول ان هذا السور

 يمكن للسيارت حاليا المشى عليه

ماذا اصاب بنى اسرائيل عندما راوا هذا السور؟

وداخل المدينة عماليق وجبابرة ؟

هل اصيبوا بالاحباط واليأس؟

هل شعروا بضيق وقلق وعدم سلام؟

هل شعروا بالظلم ؟

هل توقفوا وسألوا الله هكذا؟

اهذه المدينة يا رب التى كنت تقصدها لنا؟

اهذه المدينة التى مات ابائنا قبل وصولهم لها

ماذا يفعل بنا الجبابرة ..وكيف ندخل المدينة ؟

كيف ننجوا من يد العماليق هذه ؟؟

ااتيت بنا الى هنا لتهلكنا يا رب؟

لكن كانت خطة الله لشعب بنى اسرائيل اكتر من رائعة

كلم الله يشوع وقاله

قد دفعت بيدك اريحا وملكها جبابرة البأس (يشوع 2:6)

كان طلب الرب لشعبه ان يهتفوا له ويدورون حول السور

وهم يحملون الابواق وتابوت الرب

يدورون كل يوم مرة حول السور لمدة ستة ايام

 وفى اليوم السابع سبع مرات ليسقط السور

يا لعظمة

 الهنا كل اللى عملوه بنى اسرائيل

 هتفوا للرب وداروا حوالين السور

فسقط سور اريحا من امام بنى اسرائيل

يا للعظمة

اسقطت يا رب كل عائق فى طريق ولادك

اسقطت السور الذى سبب لاولادك احباطا وخوفا

يقول الكتاب

فسقط السور من مكانه وصعد الشعب الى المدينة كل

 رجل وامرأة من طفل وشيخ حتى البقر والغنم والحمير

بحد السيف (يش 21:6)

اخى اختى

ان الله له وقته وماشى بخطة عظيمة ف حياتك

عنده ساعته ولا بتقدم ولا بتاخر ومواعيده مظبوطة بالتمام

بيتمم مشيئته فى وقته هو مش وقتى انا لانه عارف الخير امتى

ان كانت قدامك مشاكل كبيرة بحجم سور اريحا

 اهتــــــــــــــــــــف للـــــــــــرب

ان كانت حياتك فيها ضعفات مش قادر عليها

 اهتـــــــــــــــــــــف للــــــــــــرب

ان كنت شايف بلدك ضاعت ويسكنها عماليق وجبابرة

 اهتـــــــــــف للـــــــــرب

اتأكد ان الله يسلمهم فى يدك زى ما عمل مع شعبه زمان

 لان الله لم يتغير بس اهتـــــــتف للــــرب

احمل تابوت الرب (كتابك المقدس) وهو هينجيك ف طريقك

اتحصن بكلام الهك وثق فيه

ان كنت خايف من حروب وضياع اتاكد ان حتى لو طريقك

 مسدود هيفتحلك ف القفر طريق بس اهتف للرب

هيسقط السور اللى فى حياتك مهما ان كان

( مشاكل _ حروب _ خوف _ ضياع_ عدم سلام _ احباط _

ظلم ........الخ )بس اهتف للرب

احمل تابوت الرب وهتشوف ايد الهك بتعمل ايه

اهتف زى شعب بنى اسرائيل وهتشوف بعينك عجايب الرب

اهتف وقول

ومهما تكونى حصينة ...راح تقعى يا اسوار

ومهما تكون قدراتك ...واثقين ف اله جبار

رافعين رايات الغلبة ..وعلامة الانتصار

اعظم المنتصرين ..احنا بيسوع البار

.................امين ..........